روتين عنآيتي بـ " شعري "

بسم الله الرحمن الرحيم 

آليوم رآح أتكلم عن روتين عنآيتي بـ شعري ، بس قبل ماأبدأ أبيكم تعرفون عدة أشياء ضروريه 

وتقرونها من هذه الجميله : BeautyDeRosee : 

http://beautyderosee.blogspot.com/ , لأنها كتبت قبل كم يوم نصائح عن العنايه بالشعر 

========== ، 

يلآ نبدأ :$ 

روتيني الأسبوعي لشعري ، أغسله ٣ مرات بالأسبوع وأستخدم زيوت وماسكات لشعر وخمريه وماأستشوره إلا وقت مناسبه فقط واعمل شبه اسبوعي او كل اسبوعين حمام زيت :)

========== ،

حاليا استخدم شامبو لوريال بزيت الآركان مع بلسم لوريال بأوميقا 6 + العسل وناسب شعري كثير 

ماسك لوريال احطه ع الشعر بعد البلسم واخليه من دقيقتين لثلاث واغسله يساعد ع تلميس الشعر ويلطف الاطراف

وماسك Fructis  من غارنييه استعلمه مره بالآسبوع واخلط معاه زيت الماكديميا واعمل حمام زيت لشعري وهو معالج ومكثف لشعر ويعطي لشعر لمعه حلووه ومن مكوناته زيت الزيتون وزيت الافوكادو وزيت الشيا احطه من الجذور لاخر الشعر

زيت الماكديميا  أتعب وأنا بمدح فيه جميل جمميل جمميل ويكفي ريحته اعجبتني كثيير ، ويبقى مدة بشعرك ، ويكفيك اللمعه الطبيعيه اللي يعطيك اياها بشعرك وينفع تحطينه بعد الشور تاخذين شي بسيط وتحطينه ع اطراف شعرك او قبل الشور 

بلسم الماكديميا ضايق صدري عليه ماناسب شعري اعطيته اكثر من مره فرصه بس مااحسه نفعني بعد مااغسل من الشامبو ،، ثم اعطيته اختي وناسب شعرها كثيير ، وانا لو برجع اشتري من مجموعة الماكديميا بكتفي بالزيت :)

ماأستخدم لشعري إلا هالمشط آخذته من بودي شوب وكتبت عنه ريفيو من قبل ، جججدا مرتاحه فيه

وهذا كريستال سيروم أستخدمه اذا بستشور شعري لانه يحميه من الحراره ويعطي لمعه جميله ومايدبق بشعرك ويحميه من التقصف صار لي اكثر من ٣-٤ سنين استخدمه ، اسمه : Okema

سابقا كنت استخدم فيتامين هيردال وتجربتي معاه حليوه بس نتائجه بطيئه ، وحاليا أستخدم فيتامين :

يور هير بـ 130 ريال من آرمال ومعاه حبوب فيتامين كبد الحوت ، للأمانه صار لي تقريبا اسبوع مستعملته وأحس خصلة شعري صارت اقوى بس ماابي اعطي تجربتي له كامله الا اذا خلصت شهر ونص تقريبا عشان احكم عليه 

ولازم ي بنات نستخدم فيتامينات لانه حييل راح يفيدك لشعرك ولجلدك واظافرك :)

============

واللحين نجي لزيوت اللي أستخدمها ع شعري وأنا بصراحه أحب اسبوعيا أزيت شعري لانه كثيير مفيد ويطري الشعر ويمنع التساقط والحمدلله الحمدلله ماأشتكي من القشره أو بهتان الشعر ولازم تحطين لك جدول تستمرين عليه

ع الاقل شهرلشهرين كامل وآنتي أحكمي بعدين :)

============

أستخدم زيت الثوم = مفيييييييييييييييد كثير لتكثيف الشعر مفيييد مفيييد ولا أحد يقول لي ( الريحه ) ترا بقول لها مع نفسك خخخخخ تقدرين تاخذين شور مضبووط وتتطلعين وتحطين خمرية شعر ومافي أحلى من ريحة شعرك

وآنا حاطه نظام لأستخدامي لهالزيوت والى الان الحمدلله محد آشتكى من ريحة شعري :)

وزيت أم الجدايل = يطوول الشعر ويغذي الجذور بس لازم استمراريه عليه مافي شي بيظهر لك النتيجه من اول مره

ع الاقل شهرين و3 مرات بالاسبوع أو مرتين وشوفي النتيجه :)

زيت دآبر أملآ << تراي ماعندي مشكله مع ريحته مدري آحس ريحته مو هذيك المزعجه أو يمكن لأني تأقلمت مع ريحته ههههههههه

بس تجربتي معاه رووعه ولي علاقة حُب مع هالزيت طول لي شعري أنآ وأختي كثير وأذكر كانت خالتي تحجر لنا تقول علموني وش تحطون في شعوركم خخخخخخ أستمريت عليه ٣-٤ شهور والحمدلله نتيجته بطططله واللحين أستخدامي له تقريبا مره بالأسبوع وماآقدر أستغني عنه :(

قناع لشعر " بيزلين " بـ 9 زيوت :  زيت الزيتون + زيت اللوز + زيت حبة البركه + زيت جنين القمح + زيت الجزر + زيت الخروع + زيت الحنا + زيت القرنفل + زيت الخزامى = لشعر المصبوغ والتآلف ترطب وتعالج وتحمي الشعر

للأمانه إستخدامي له مرتين واللي لاحظته إني طووولت بالشور عشان اقشع هالزيت من شعري هههههههه

حسيته من جد قناع ع الشعر تعبت وانا اغسله ههههه وهو أكيييد مفيد لانه كله مكونات طبيعيه بس مااقدر احكم عليه حاليا

==============

نجي آللحين طريقتي لزيوت : أحطه ع شعري أخليه من ساعتين لـ ثلاث وألف ع شعري نايلون 

حاطه لي نظام معين لانواع الزيوت عندي وبكل اسبوع استخدم نوع واحد وثلاث مرات بالأسبوع

وبالنسبه لـ حمام الزيت مره كل اسبوع آو كل اسبوعين و الماسك اللي استخدمه هو يايكون لوريال أو اللي من غارنيه وأخلط معاه زيت الماكديميا

وآستخدم هذا المزيون << بلا لف منشفه دافيه بلا هم خخخخخ

لمدة عشرين لـ ١٥ / دقيقه وبعدها أغسل شعري بس بمويه وأستمتعي باللمعه والنعومه ي جميله :$

وبالنسبه للخمريات << تراي إدمان ع الخمريات الشعر وأحب دايم يكون ريحة شعري حلوه :$

حاليا أستخدم خمرية مثل الكريم من الوليف اللي ع اليسار المكوره الجميله أخذ شي بسيييط وأحطه ع أطراف شعري

ريحتها تجنننننن وثابته وفواحه 

واللي ع اليمين نسيت من وين اخذتها بس مثل العطر ريحته آآآليمه هذه ترشين ع شعرك من بعيد ويفضضل اذا بتحطين خمريه يكون شعرك نص مبلول عشان تثبت الريحه 

============

وبس ي عزيزاتي هذا هو روتين عنايتي بشعري لهذه الفتره وان شاءالله يااارب أكون آفدتكم ولو بالقليل

واذا فيه اي سؤال تفضلوا ع اضافة تعليق أو عندكم التويتر : @_iExquisite_ 

في حفظ الرحمن :)