روتين عنآيتي المكثفه قبل زوآجي

بسم الله الرحمن الرحيم

السلام عليكم ورحمة الله وبركاته

إلى العروسآت لو أعتذر لكم عن التأخير من هنا لأخر الدنيا ماتوفي ويآليت تعذروني لأن انا بنفسي مآتوقعت آتأخر هالكثر

توقعت إن بنزلها بعد شهر العسل بس مادريت إن بتصير حيآتي زحمه ومنآسبات وعزآيم وسفرات ونوم مخربط ووإلخ

بس بدت الدراسه ورجعت بيت أهلي وضبطت جدولي الحمدلله وإنتظروا كمآن بآقي الموآضيع و و و بس :)

نبدأ بسم الله :

عنآيتي نبدأ بالشعر وكيف طريقتي :

كآن عندي يوم أحط فيه سدر لشعري وكتبت طريقتي التفصيليه هنآ :

http://iexquisitee.blogspot.com/2013/04/blog-post_6.html

وهنآ كآن روتيني الأسبوعي :

http://iexquisitee.blogspot.com/2013/03/blog-post.html

وهنآ الفيتآمينات اللي كنت أستخدمها :

http://iexquisitee.blogspot.com/2013/03/blog-post_23.html

نصآيح ومعلومآت :

١/ لاتوجد أي درآسه تثبت ان الزيوت تغير لون الشعر

٢/ إبتعدي قد قد قد ماتقدرين عن الاستشوار

٣/ الماسكات الطبيعيه مفيده كثيير وحلوه

٤/ احرصي ع السيروم لشعر عشان الحراره تضر الشعر

٥/ كل شهرين قصي اطراف شعرك تساعد بتتطويل وتكثيف الشعر

٦/ تعاني من التساقط ومانفع معاك شي سوي تحاليل وتأكدي من نسبة الدم

٧/ احرصي ع الضفيره قبل النوم

٨/ ولو منتي من نوع اللي يصبغ انصحك بالحناء

٩/ ولو تعاني من القشره عالجيها بسرعه

١٠/ بالنسبه للكيراتين مالي تجربه معاه :(

===============================

نجي آللحين لروتين عنآيتي ببشرة وجهي وجسمي كآنت هنآ :

http://iexquisitee.blogspot.com/2013_02_01_archive.html

وتغير الروتين لوجهي بعد فتره الى : غسول وتونر بيوديرمآ مرتين باليوم ، وتقشير من سآنت ايفز بالمشمش مره بالأسبوع

ومآسك من نيتروجينا 2*1 + ماسكات اقنعه من بيزلين + كريم فيتامين E من بودي شوب

ولجسمي كان إسبوعيا تجيني وحده من جنسيه سودانيه تعمل لي دلكه وتقشير لكامل جسمي وشهريا كان حمام مغربي وهنا كتبت عنها :

http://iexquisitee.blogspot.com/2013/04/blog-post.html

وكنت كمان استخدم زبدة الشيا الاصلي + كريم جيلاكوليكس للجسم ١٥٪

نصيحه : حاولي تبتعدين عن المعطرات القويه ع جسمك

================================

عنآيتي بمنطقة الأندرآرمز + المنطقه الحميميه :

كنت ومآزلت أستخدم التقشير الخفييف لها مره بالأسبوع ولأنها طبقة الجلد حسآسه ماكنت جافه معاها كان التتدليك بشكل دائري وخفيف وأستخدمت كريم + صابونة ليفيان سعرها ١٨٤ ريال إستخدآمي لها مرتين باليوم

(( لاتخافين هالكريم والصابون طبي ١٠٠٪ وماراح يضرك )) النتيجه حلوه وأرضتني الحمدلله

اهتمي بنظافة المنطقه ججججدا وتغيير الاندروير مره لمرتين باليوم وتجفيف المنطقه قبل ماتتطلعين من دورة المياه

استخدمي الكوتكس اليومي جدا جدا جدا جميل ومستحيل استغنى عنه

والنتيجه ع حسب درجة الأسمرار لكل وحده فيكم ،

===============================

هذآ كل عنآيتي قبل زوآجي أدري قصرت معآكم وإعذروني وإن شآءالله أكون أفدتكم ، وكمان اسفه انها بدون صور لاني بطله نسيت اغراضي بجده وذاكرة الكام لكن اوعدكم اني ارجع اعمل لها باك اب وانزل الصور فيها بس خلوني اتحايل ع احد واخذ منه الكام خخخخخ

أنصح كل وحده فيكم سوآء متزوجه أو مو متزوجه وحآبه تعمل مثل هالروتين المكثف تعمل لها جدول تتقيد فيه وتسرق لها من ٢٤ ساعه باليوم بس ساعتين تهتم فيها ولنفسها

إنتظروني ببوست عنآيتي بعد الزوآج وكيف اختلفت معآي لان هذه كانت مكثفه لكن بعدين بدينا بالتكآسل خخخخ

لكن اتبعت روتين حلو وراضيه فيه الحمدلله

واي سؤال حيآكم

iExquisite

Give-away مقدمة من مجموعة Uncinetto

بسم الله الرحمن الرحيم

صباح الورد بنوتات بوست سريع وخفيف ي أميرآت وهي ان مجموعة uncinetto للاعمال اليدويه حبت تقدم هديه بسيطه لمتابعاتي الجميلاتي

ومن شروط الفوز بالهديه :

اعملي فولو ع حسآبهم بالتويتر : @uncinetto0 وفولو لحسابي بالتويتر : _iExquisite_ وشاركي معانا بهاشتآق : #giveawayUncinetto

وأكتبي آنك حآبه تفوزين ورآح يدخل إسمك معانا بالسحب 

المسابقه بدأت من ٧/٢٧ يوم الخميس وراح تنتهي يوم الاحد ٧/٣٠ 
هالمسآبقه محدده لبنات الريآض

بالتوفيق لكل الجميلات

حيآك ي عروسه ، ترتيب شنطة السفر

بسم الله الرحمن الرحيم

مرحبآ ي بنوتآت أعتذر ع التأخير كنت نآويه أكتب البوست العصر بس مآأدري كيف رآحت علي النومه خخخخ

ع آلعموم بدخل بالحكي دآيركت ، أولاً ألف مبروك ع العروسآت آلجديدآت وآلله يوفقكم ويسعدكم يآرب ويسخرلكم بعض

وحيآة جديده سعيده يا أميرآت :$

حآبه أتكلم عن ترتيب شنطة السفر إيش إللي تآخذيه والأشياء المهمه ، وأعتذر ع آلتصوير السيء لأن لما صورت ، كان ببالي كل الأغراض عشآن كذا صور شنطة السفر ماأدري كيف بتكون بس رآح أتكلم بالتفاصيل الممله

وتحملوني لان أحس بيكون أطول بوست بالحيآة خخخخ

بسم الله

<< لحد ينفجع ترا والله ماخميت السوق ومو كلها ملابس ههههههههههههه

طبعا كل عائله تختلف بعاداتها وتقاليدها اللي يقولون الزواج ع البنت واللي يقولون عندنا الزواج ع الولد واللي يقولون البنت تشيل اغراض غرفة النوم ووالخ واللي يقولون لا احنا عندنا كل شي ع الولد واللي يقولون المهر ع الولد والذهب عليكم او كل شي ع هالضعيف ههههههه

 ماعلينا المهم احنا عندنا الذهب وغرفة النوم وطقم الحمام وكل شي يتعلق فيه ع البنت

وعشان كذا تشوفون كمية هالأغراض :D 

تصويري كان ع كل تجهيز العروس وفعلاً شفت بياخذ وقت ولازم يكون ع ٣ بوستات آقل شي وأخذت راي البنات بالتويتر وقالوا الأهم نبي شنطة السفر << وطبعا بعد ماقفلت الشنط ونزلت كل الأغراض لأن راح أشحنها برا الرياض وتصويري كان ع أغراض كامله بس بفصل لكم أغراض شنطة السفر 

بالبدآيه حطي في بالك هذا شهر عسل ومره بالعمر وإستمتعي فيه قد مآتقدرين وتتدلعي ع الأخر وكل يوم عيشي يومه ولاتنكدين ع نفسك ولا عليه ، خليك فلاويه ووسيعة صدر << عاد موب تمونين وتخربينها بشويش عاد هههههه

بالنسبه لي سفرتي " ريفيه " ومدتها تقريبا ١٥ يوم ، لذلك أخذت بنصيحة أمي وأخذت معاي تقريبا ١٣-١٤ بجآمه لأن أبي كل يوم لي طلّه غير وكل يوم شكل وأناقه يختلف ع اليوم السابق ، وبمآ ان بكون " محجبه " والعبايه مغطيه ماتكلفت باللبس كثير بس مانسيت أخذ معاي كم لبس طقم ألبسهم قدآمه لذآ أخذت معآي لبس طلعات أتوقع ٣-٥ ليقنزآت |مع بلايز مختلفه + وأخذت فستانين قصيره + فستآن مكسي خفيف + 2 مآيوه + طقم تنوره وأغلبها بألوآن صيفيه حلوه + أخذت معآي سكآرفآت آتوقع ٢-٣ + وأخذت كآوتش ريآضي و ٣ فلآت و ٤ سليبر نسقتهم مع قمصان وبجامات النوم + آخذت كمآن طقم روب ومنشفه للوجه ومنشفه لف لشعر + أخذت شنطتين وحده كبيره والثانيه صغيره + وشنطه للكآم << أهم شي تآخذي معاك كام وتصورين كل اللحظآت الجميله :$

وبالنسبه للأندروير حطيتهم بمنظم مرتب وحلو :

عشآن ماتنحآس بين الملابس وحطيت بين الملابس والاندروير روآيح عطريه عشآن ماتكون الملابس مكتومه وخصوصا اني راح أشحن الاغراض ومابي تكون ريحتها كتمه ،

وهذه هي الروآيح : 

ورد + ليمون + تفآح ، حلوه وخفيفه ومره أستفدت منهم وعددهم كبير والباقي وزعته ع خوآتي :D

وكذآ رآح يكون شكل الشنطه بعد ماحطيت بينهم الروايح وغطيتهم من فوق ع آلكل :

أخذت معآي كم جرآب حلوين ومختلفه ألوآنها يعني لو مشيت حآفيه بيكون علي جرآب خفيف

<< شوفوا العجز اللي فيني إني أطلعه عشآن أصوره بس وآلله جد كآنت أمي فوق رآسي تقول خلاص قفلي الشنطه

وآللحين نجي عند الأكسسوارات :

<< ولو بتلاحظون أغلبها ورد لأني من عشآآآآق مسآكآت الورد لشعر سوآء شبآصآت أو ربطآت أو أطوآق أحسها تعطي منظر كيووت وحلو وأخذت ع شكل فيونكات بألوآن

حطيتهم ع علبتين منفصلتين : علبه للأكسسوار الشعر وعلبه للأكسسوار اللبس 

إكسسوار اللبس أخذت كم سلسله نآعمه مع أسآور مختلفه وأخذت أتوقع ٤ خلاخل لرجل ومجموعة حلق وكم خآتم نآعمين وساعه سبورت من سوآتش عشان ألبسها كل يوم ومنآسبه لكل شي + نظاره شمسيه

إكسسوآر الشعر : << بمآ إني وحده مآأحب أربط شعري ونآدر مآأشتري بكله تربط شعري وأحب أرفعه بكم مسآكة أو أخليه مفلول لذلك أخذت مسآكآت وأطوآق 

ملاحظه : لاتنسين تآخذين إستشوآر معآك وبديل الزيت إذآ حآبه تجعدينه وماعندك وقت تستشورين وسيروم كريستآل حآمي للحرآره 

نجي آللحين للميك آب وماأدرآك مالميك آب العشق الأبدي المؤبد ههههههه

طبعاً هذا كل الميك آب اللي عندي وطبعا مستحيل أخذهم كلهم 

بآخذ معآي :

بودرة آلحوآجب + ٣ أروآج + ماسكآرا + عكآفة رموش + ٢ منآكير + مزيل منآكير + بي بي كريم + بيس + فآونديشن مع البودره + بلاشر + باليت نيكد + آيلاينر + مزيل مكيآج + فرش سيقمآ للـ (( الفاونديشن + الحوآجب + البلاشر + الشدو + ))

حطيتهم ع محفظتين وإذا قبل السفر برتبهم وأطلع اللي راح أخذهم بس لأن مثل ماقلت جمعت الاغراض لشحن

نجي آللحين للعطور واللوشنآت العطريه :

خذي معآك عطرين سمول سآيز " الأفضل يعني " عشآن يكون بشنطتك وخذي اللوشن تبع العطر عشآن يكون الثبآت آقوى 

تحطي اللوشن ثم العطر وخذي طقم آلشور " أنآ أخذت طقم بالفروآله من بودي شوب " ، وأخذي خمريه للجسم ولشعر + مسك + و إذا ودك يعني خذي كمآن عطر وآحد للمفآرش ترشين وتعطرين آلمكآن " أحس كذآ احلى وروآقه أكثر ولا ايش رآيكم :$ " أنآ أخذت عطر مفآرش من نكتآر 

خذي شموع عطريه إذا ودك (( طبعا ع حسب سفرتكم وجدول اللي تمشون عليه )) أنآ أخذتها لان في كم يوم مخططين مآنطلع وقلت يعني أحط جو رومنسي وحركتات :$ هذآ بآلنسبه للعطور واللوشنآت العطريه

نجي آللحين إللي أعتبره أهم شي ولازم تنتبهين له ،تشيكين تتأكدين منه قبل السفر وهو ( الصيدليه ) :D

<< طبعا مآصورت كل الأغراض لان باقي ماكملتها بس رآح أذكرها لكم

أول شي الشعر : شآمبو + بلسم + بديل الزيت + سيروم كريستال

الوجه : غسول + تونر + واذا رايقه خذي مقشر خفيف + مرطب + واقي شمس

الجسم : < بما انك أخذتي طقم شور فـ أكتفي فيهم لان بيكون معاه الزبده للجسم والمرطب 

خذي كريم لليدين ولرجلين + قطن + أعوآد إذن + مقص اظافر + مزيل منآكير + بودرة اطفال + وأهم شي كوتكس وخذي لليومي

خذي غسول وكريم للمنطقه الحسآسه " طبي " + معقم لليدين + مناديل معقمه " ديتول " + بنادول + مضاد حيوي + بلاستر للجروح + حبوب للمغص + فيفادول + اذا المكان ريفي فالأكيد بيكون فيه حشرآت لذلك خذي كريم حساسيه للقرصآت النآمس وغيرها 

لنظآفة الفم : فرشآة أسنان + معجون أسنان + فرشآة للسآن + معجون للسآن + علك + حلاوة بولو نعناع آفضلها لان ريحتها تبقى بالفم وخليها معاك بالشنطه يعني عشان لو طلعتوا مطعم اللي عليك تتمضمضين وتاكلين هالحلاوه تعطر لك الفم + فيه بالصيدليه حاجه مثل ورق خفيييف وبنكهات معينه ينحط ع اللسان ويذوب بسرعه نسيت إسمها 

بس بصور الباقي وبنزله بالأنستقرآم 

ملاحظات : 

لاتنسين سجادة الصلاة + القرآن + اللاب توب لو حابين تتابعون آفلام أو اي شي + هاردسيك بعد كل طلعه فرغي ذاكرة الكام << واذا تذكرت شي برجع احدث البوست

وبس عزيزآتي هذا كل اللي اقدر افيدكم فيه واعتذر ع التأخير وأعتذر ع التصوير لان مثل ماقلت صورت ع أساس ان لكل الأغراض بس إختصاراً للوقت وترشيحكم سويناه ع شنطة السفر وإستعجلنا لان في عرايس زوآجهم هالويكند وعلى الاسبوع الجآي وأحب أقولهم آلله يسعدكم ويوفقكم وأتمنى لكم حيآة حلوه وسعيده

وأي سؤال حيآكم 

التويتر : _iExquisite_

الأنستقرآم : _iExquisite_

الأسك : http://ask.fm/iiExquisite

الآي مسج : VW084DPF

uncinetto , اونشينيتو

بسم الله الرحمن الرحيم

مرحبا بنوتات كيف حالكم ؟ ومبروك عليكم الصيفيه ، والله يتمم فرحتكم بالنجاح يارب ، وآستمتعوآ بكل ماأوتيوا من قوه

وآلله يسعدكم يارب ،

اليوم كنت متحمسه أنزل بوست ترتيب الشنط للعرآيس بس كان فيه حرآسه مشدده من قبل أبوي فـ أستحيت وقلت بوقت ثآني أسويه بإذن الله

بس جبت لكم اليوم بوست أبدآع إبدآع عن مجموعة البنات إجتمعوآ وأنتجوآ : uncinetto 

أشتغلوآ وأجتهدوآ وأبدعوآ ماشآءالله تبآرك الله ، ومجالهم بآلكروشيه وآلتصميم عليه بأي شكل من الأشكآل

ووحده من هالمبدعين هي وحده معآي بآلجآمعه أنسآنه رآئعه وذوق وأنيقه فاجأتني بهديه جداً جميله من شغل يديهم

بمنآسبة زوآجي وفعلاً أعتبره أحلى وأجمل هديه ومميزه من بين الهدآيا اللي وصلتني لان حسيتها دخلت قلبي وان في بنات أشتغلوآ وتعبوآ عشان يهدوني هديه من شغل يديهم

يلا فرصه أرجع آشكر : يآرا & روآن & حنآن على المفاجأه الحلوه والى الان ماأحس اني وفيت معاكم بآلشكر

الله يسعدكم يارب فعلا انتم أخوآتي ، << يلا نرجع لمحور حديثنا خخخخ

الهديه ولو إني ترددت أصوره لأن إستحيت هههههه بس كلمآ أشوف حجم التعب اللي إشتغلوآ عليه اقول لا أبي البنات يشوفونه عشان يتحمسون ويطلبون منهم لان فعلا شغل محبوك ومتعوب عليه ، يلا بسم الله

اللون لحاله حكآآآيه :$

تغليفهم لشغل عشآن مآيتلف ججدآ أعجبني ، و حرصهم ع أن توصل حلوه ومرتبه ، ماشاءالله عليهم

 عبآره عن طقم أندروير + ربطة شعر + اكسسوار لرجل بـ لون وآحد :$ :$ :$

اكسسوار لرجل جججدآ كيووت وأكثر شي أعجبني ماشآءالله

وهذه ربطة الشعر الأنيييقه :$

وهنا بستعرض لكم بعض من أعمالهم :

وهذآ الكآرد تبعهم للي حآبين يتوآصلون معآهم ، 

ملآحظه ي أميرآت :

كآن لي تجربه سآبقه معآهم وطلبت ربطة شعر ووصلتني وكآنت ججدآ أنيقه ومرتبه ، فعلا الشغل جدا رآئع وجميل والطقم اللي وصلني أتعب وأنا اقول الشغل مضبوط ونظييف ماشآءالله عليهم ، يكفيك طيب التعآمل وآلذوق الحلو

وآلتجربه خير برهآن 

إنتظروني بآلبوست آلجاي ي جميلآت 

أختكم EXQUISITE 

برنامج : iAnnotate PDF

بسم الله الرحمن الرحيم

اليوم تتدوينتي خارج عن اي شي يتعلق بالعنايه والفاشن وهو عباره عن برنامج راح يفيد كثييير من الطلاب والطالبات وراح يحتاجونه بأمورهم الدراسيه وخصوصا الاأختبارات ع الابواب ، وكمان مو شرط بالدراسه حتى بأي شي تبون تحملونه وتحولنه بصيغة PDF كتاب مقال اي شي

اسم البرنامج : iAnnotate PDF

هو من افضل البرامج التى تتعامل مع ملفات pdf الشهيرة 
حيث يتميز البرنامج بالعديد من المزايا والامكانيات الرائعة منها : 
يمكنك البرنامج من قراءة الكتب الالكترونية وملفات بى دى اف 
البرنامج يمكنك من التعديل فى الكتاب هو ليس تعديل ولكن اذا ما صادفت ان وجدت جملة مهمة او نقطة تريد الرجوع اليها او اضافة كلمة او اضافة اشارة يمكنك عمل ذلك من خلال برنامج iAnnotate PDF 
البرنامج يتيح لك ايضا تلوين وعمل ملحوظات عند المناطق التي تريدها 
ويدعم العديد من الالوان واحجام الخط المختلفة 
البرنامج ايضا متخصخص فى ادارة الملفات وتبادلها مع اصدقائك

========= 

بصراحه هالبرنامج أغناني عن طباعة المحاضرات وقروشة الطباعه والحبر والأوراق ، وصرت انزل المحاضرات دايركت ع البرنامج وكل مادة حطيت له ملف خاص فيه ومرقم فيها المحاضرات واقدر اضيف تعديلاتي ونوتات بنفس المحاضره واسجل صوت واضيف صوره واظلل الأهم للمهم للأقل أهميه ع حسب الوان انا اختارها خخخخخ 

يعني تقريبا كللل شي اسويه بنفس البرنامج 

==========

توصلني المحاضره بالأيميل : 

اعلق بضغطه ع الملف لما يطلع لي فتح في ....... واختار ايقونة البرنامج

ويفتح لي دايركت عليه ويحوله لي بـ PDF واذا ماتحولت الصيغه اضغط ع الملف ويطلع لي علامه كأنها تحميل يحولها لي بـ PDF واحط جمبها علامة صح واختار كلمة MOVE وانقلها لملف المادة

هذا هو ملف المادة :)

هنا قائمة التعديل من اقلام فلومستر وقلم تكتبينه بيدك وتضيفين نوته وتظللين 

وبأخر اختيار مثل شنطة هندسه خخخخ تختارينه وتلقين خيارات اكثر 

من تصوير وتسجيل صوت ووالخ

هذه هي الاختيارات ، 

هنا اضفت نوته لترجمة جمله عشان ماأنسى ;D

هنا أضفت صوره ع سلايد المحاضره معلومات اضافيه + الترجمه

طبعاً البرنامج له مميزات كثثيره وراح تستفيدون كثير منه

ادري شرحي مش ولابد بس اعذروني اول مره اشرح 

اضفت لك مقطع فيديو فيه شرح كامل عن البرنامج :

https://www.youtube.com/watch?v=NxU5EZUmYdk

وأي سؤال انا هنآ

تويتر : _iExquisite_

مسج مي : VW084DPF

الانستقرام : _iExquisite_

الآسك : http://ask.fm/iiExquisite

وأعتذر ع تأخري بتنزيل البوستات بسبب ضغط الدراسه والاختبارات 

وموفقين يارب

آلسدر وطريقتي فيه لـ شعري :)

بسم الله الرحمن الرحيم

في بدآية الموضوع أحب أعتذر منكم لان للأسف مالقيت الوصله عشآن أعرض لكم الصور

ولا حبيت أتأخر عليكم بتنزيل البوست بس بإذن لله اذا حصلته بعمل تحديث الموضوع وأنزل الصور فيه

و و و كيف حالكم ي صبايا ان شاءالله تكونوا بخير وكيفكم مع ضغط الاختبارات ؟ الله ييسرلكم يارب 

عن نفسي بآكل تبن وللأسف الشديد راح يمر علي اصعب شهر و ١٠ ايام في حياتي :(

بس الله يسهل ويعين يارب 

المهم حبيباتي اليوم جبت لكم خلطة السدر اللي اسويها لشعري ولخواتي ، وسويتها بس ٥ مرات ع شعري

بصراحه النتايج حلووه الحمدلله وتبان لك ويوضح كمان للكل اللي هي :

سدر + (( موية البصل والثوم )) << ترا قلت المويه بس لا أحد ينط علي يقول ريحه وما ريحه اللي تقوله لاتكمل الموضوع خخخخخ + زيت ريتون + زيت الخروع << وتقدرين تستبدلين الخروع بأي زيت انتي حابته

 تعريف السدر وفوائده 

نبته خضراء لها استخدامات كثيره وفائده لاتعد ولا تحصى ...خصوصا للشعر والبشره ..

بحيث كان جداتنا والأولين يعتبرونه شامبوا لشعرهم بما انه يرغي مع المويه ...

حتى لغسل وجههم والجسم يعتبر هو الجل او الصابون المناسب لهم ...

يكثف الشعر ويزيل قشرتها .. وغير كذا ممتاز للتطويل مع الإستمراريطول الشعر شبر في ثلاث شهور

ويكثف ويقل التساقط بشكل كثثثثثثثير ملحوظ

وحتى الفراغات اللي تنشأ بفروة الرأس من كثر التساقط رح تتلاشى شوي شوي

أمااااا للبشره يخلط مع مويه ورد يوحد اللون ... والبقع مع التكرار تختفي وتتلاشى اللي نتعب وحنا

نعالجها بكريمات وخرابيط ..

وحبوب البشره رح ايضا تختفي لما تعملين ماسكات سدر وموية ورد وزبادي للبشره ...

ممتاز للعين والحسد بالعربي ممتاز لكل شي .. 

1- السدر ماله ريحه تثبت بالشعر وممكن نغطيها بكريمات الترطيب + البلسم + الخمريات  

2- مايغير لون الصبغه ويفضل تجربين على يدك للتاكد ساعه كامله ماراح" يصبغ ..

3- يجفف الشعر اي نعم بس في شي اسمه مرطبات وبلسم 

4- مافي شي اسمه سدر للشعر وشي للجسم من وين جبتوه ؟؟؟

يااشين فلسفة العطارين صراحه 

لأن فروة الرأس واستجابتها للسدر تختلف عن الجسم

يعني مايكثر شعر الجسم ولا كان شفتوا زمن جداتنا كلهم شعر بجسمهم مثل الشجره 

وازيد ان السدر مطهر قووي لفروة الراس من أول استخدام

وثانياً البصل : 

لتقوية فروة الراس ومنع تساقطه

تقليل الدهون والقشره في الشعر

ويساعد في تكثيف الشعر

الثوم الثوم الثوم : 

حل لمشكلة بطء نمو الشعر وضعفه

وعلاج للقشره

الطريقه : 

تاخذين ١ بصل و تقريبا ٢-٣ فصوص ثوم ، تقطعينهم ارباع ثم تحطينهم بقدر في مويه وتخلينه يغلي لما تشوفين المويه انقلب لونها للأصفر تقريباً بعدها تحطين بسسس المويه ع السدر وتخلطينهم وتصير لك تقريبا مثل العجينه ، تزيدين عليه بزيت زيتون وزيت الخروع وتصبين باقي المويه المهم يطلع لنا بالأخير شببه سايل عشان تقدرين تحطينه ع شعرك

وتغلفينه بأي كيسه وتخلينه يخمر تقريبا ساعه ثم تحطينه من فروة راسك لنهاية شعرك وتلفين شعرك 

وتخلينه من ٣-٨ ساعات وكلما خليته اكثر من ٣ ساعات افضل لك

عن نفسي احطه وانام تقريبا ٦ ساعات واصحى اخذ شور

طريقة غسله : 

يفضل تسوينه بويك اند او يوم تبدين فيه بدري ،ويستخدم مره وحده بالأسبوع ،

 تغسلينه اول شيء بمويه وتحطين شامبو تبعك ويفضل بس بلسم بدون شامبو

بعدها تتطلعين تحطين زيت ع شعرك لانه استخدامك له اول مره راح ينشف لك شعرك شوي عشان كذا رطبي شعرك بأي زيت تستخدمينه لمدة ساعتين لثلاث تقريبا وخذي لك شور كامل

عن نفسي بعد الشور الكامل اسوي بعد حمام زيت واشطف شعري بالنهايه بمويه بااارده ، بيخلي لمعان ونعومه وليووونه بشعرك ومع الاستشوار ي سلاام بتحبين شعرررك 

وبس ي حبيباتي هذه هي طريقتي لسدر ، وافتحوا النت وابحثوا عن تجارب البنات ، فعلا السدر كنز الاغلب غافل عنه ويبحث بالمنتجات الثانيه ع ان السدر مذكور في القرآن وفوائده واستخداماته كثييييره ، مع الاستمرار ومن ثاني استخدام انتي بنفسك راح تلاحظين الفرق ، وادعي لي :) 

أختكم : @_iExquisite_

اي استفسار او سؤال عندكم الآسك :

http://ask.fm/iiExquisite

او المسج مي :

VW084DPF

والتويتر وقريبا الانستقرام ههههههه ، واعملوا لي مشاركه بالمدونه ، وبس :$ 

استمتعي بآلنظافه و آلنعومه وأنتي في بيتك :$

بسم الله الرحمن الرحيم

صبآيآ قبل ماأبدا بالموضوع أحب أقولكم إن اللي راح أكتبه

 (( والله والله ماهو دعايه أو أي شيء أو حتى لي مصلحه بالموضوع ))

أنا أتعامل مع سودانيه إسمها ( نوال - أم حذيفه ) تجيني لحد البيت ، واذا أنتي حابه يكون عندك شغل

 [ نظافه - نعومه - سرعه - نتائج حلوه ] أنا حصلتها عند هالأنسانه وجداً محترمه وذوق وأسعارها معقوله وتجيك ع الموعد وشغلها بذمه و ضمير 

تجربتي معاها شخصياً : متفقه معاها من فتره طويله كل اسبوع دلكه سودانيه وكل شهر حمام مغربي

اما بالنسبه الدلكه هو لتقشير الجسم ولنعومه وزيادة نظافه وعشان الكريمات اللي استخدمها يبان مفعولها اكثر ،

يعني بأختصار شغلها انصح فيه جداً رائعه 

الدلكه السودانيه : عباره عن : زبادي + زيت زيتون + قشور فواكه + خلطه سريه " ع قولتها خخخخ " 

وحابه اقولكم عن فوائده : إزالة القشور الميتة والمساعدة على نعومة الجسم ومع الإستمرار تؤدي إلى البياض وهي رائــعة لركب والاكواع ومابين الفخذين وتؤخر نمو الشعر 

الحمام المغربي : تجيب معاها ليفه مغربيه جديده + صابونه مغربيه ومن فوائده :

يزيل الخلايا الميتة والبقع السوداء والكلف عن بشرتكم ويفتح لون البشرة ، يزيل القشور ، يساعد على إنقاص الوزن وإفراز المياه الزائدة ، ينشط الدورة الدموية ، ذيب الشحوم المترسبة على المفاصل

يزيل الإرهاق العضلي والعصبي ، يحتفظ بحيوية ونضارة جسمك وبشرتك ، يؤخر ظهور التجاعيد بالجسم

أما عن حلاوة الجسم بصراحه ماجربتها لأني مسويه ليزر،  بس أخوآتي الصغار مجربينها واللي شفته أنها : سريعه وشغل نظيف وتشيل لك من قلب ، ويمدحون شغلها ع اجسامهم وإحنا كثير كثير مرتاحين معاها

وبلاها لفلفة المشاغل والاسعار اللي توصل 300-400 ريال :S

تآخذين لك وحده لحد بيتك تعمل لك هالشغلات وتكوني قريبه من حمامك الشخصي واغراضك والشامبو والكريمات تبعك واستمتتتتعي بصراحه شعور يجننن وتحسين انك جديده ههههههه

نجي لأسعارها : 

الحمام المغربي : 150 ريال ، الدلكه السودانيه : 100 ريال 

الحلاوه لكل الجسم : 200 ريال ، حلاوه لليدين والرجلين : 100 ريال

تشقير حواجب : 50 ريال ، وصبغة الشعر : ع حسب طول الشعر 

<< للأمانه ماجربنا التشقير والصبغه منها لان نروح لمشغل متعودين عليه وعارفين شغلهم :)

وهذا رقمها للي حابه تجربها : 0509905518 نوال - أم حذيفه
بمنطقة : الريــاض

وبس عزيزاتي اتمنى اكون أفدتكم ، وتجربونها وأن شاءالله ماراح تندمون

اختكم : iExquisite ، 

للي حابه أي سؤال أو إستفسار هنا التويتر : @_iExquisite_

هنا مسج مي : VW084DPF