السبت، 6 أبريل 2013

آلسدر وطريقتي فيه لـ شعري :)

بسم الله الرحمن الرحيم

في بدآية الموضوع أحب أعتذر منكم لان للأسف مالقيت الوصله عشآن أعرض لكم الصور
ولا حبيت أتأخر عليكم بتنزيل البوست بس بإذن لله اذا حصلته بعمل تحديث الموضوع وأنزل الصور فيه

و و و كيف حالكم ي صبايا ان شاءالله تكونوا بخير وكيفكم مع ضغط الاختبارات ؟ الله ييسرلكم يارب 
عن نفسي بآكل تبن وللأسف الشديد راح يمر علي اصعب شهر و ١٠ ايام في حياتي :(
بس الله يسهل ويعين يارب 

المهم حبيباتي اليوم جبت لكم خلطة السدر اللي اسويها لشعري ولخواتي ، وسويتها بس ٥ مرات ع شعري
بصراحه النتايج حلووه الحمدلله وتبان لك ويوضح كمان للكل اللي هي :

سدر + (( موية البصل والثوم )) << ترا قلت المويه بس لا أحد ينط علي يقول ريحه وما ريحه اللي تقوله لاتكمل الموضوع خخخخخ + زيت ريتون + زيت الخروع << وتقدرين تستبدلين الخروع بأي زيت انتي حابته



 تعريف السدر وفوائده 

نبته خضراء لها استخدامات كثيره وفائده لاتعد ولا تحصى ...خصوصا للشعر والبشره ..
بحيث كان جداتنا والأولين يعتبرونه شامبوا لشعرهم بما انه يرغي مع المويه ...
حتى لغسل وجههم والجسم يعتبر هو الجل او الصابون المناسب لهم ...
يكثف الشعر ويزيل قشرتها .. وغير كذا ممتاز للتطويل مع الإستمراريطول الشعر شبر في ثلاث شهور
ويكثف ويقل التساقط بشكل كثثثثثثثير ملحوظ
وحتى الفراغات اللي تنشأ بفروة الرأس من كثر التساقط رح تتلاشى شوي شوي
أمااااا للبشره يخلط مع مويه ورد يوحد اللون ... والبقع مع التكرار تختفي وتتلاشى اللي نتعب وحنا
نعالجها بكريمات وخرابيط ..
وحبوب البشره رح ايضا تختفي لما تعملين ماسكات سدر وموية ورد وزبادي للبشره ...
ممتاز للعين والحسد بالعربي ممتاز لكل شي .. 

1- السدر ماله ريحه تثبت بالشعر وممكن نغطيها بكريمات الترطيب + البلسم + الخمريات  
2- مايغير لون الصبغه ويفضل تجربين على يدك للتاكد ساعه كامله ماراح" يصبغ ..
3- يجفف الشعر اي نعم بس في شي اسمه مرطبات وبلسم 
4- مافي شي اسمه سدر للشعر وشي للجسم من وين جبتوه ؟؟؟
يااشين فلسفة العطارين صراحه 
لأن فروة الرأس واستجابتها للسدر تختلف عن الجسم
يعني مايكثر شعر الجسم ولا كان شفتوا زمن جداتنا كلهم شعر بجسمهم مثل الشجره 
وازيد ان السدر مطهر قووي لفروة الراس من أول استخدام

وثانياً البصل : 

لتقوية فروة الراس ومنع تساقطه
تقليل الدهون والقشره في الشعر
ويساعد في تكثيف الشعر

الثوم الثوم الثوم : 

حل لمشكلة بطء نمو الشعر وضعفه
وعلاج للقشره

الطريقه : 

تاخذين ١ بصل و تقريبا ٢-٣ فصوص ثوم ، تقطعينهم ارباع ثم تحطينهم بقدر في مويه وتخلينه يغلي لما تشوفين المويه انقلب لونها للأصفر تقريباً بعدها تحطين بسسس المويه ع السدر وتخلطينهم وتصير لك تقريبا مثل العجينه ، تزيدين عليه بزيت زيتون وزيت الخروع وتصبين باقي المويه المهم يطلع لنا بالأخير شببه سايل عشان تقدرين تحطينه ع شعرك
وتغلفينه بأي كيسه وتخلينه يخمر تقريبا ساعه ثم تحطينه من فروة راسك لنهاية شعرك وتلفين شعرك 
وتخلينه من ٣-٨ ساعات وكلما خليته اكثر من ٣ ساعات افضل لك
عن نفسي احطه وانام تقريبا ٦ ساعات واصحى اخذ شور

طريقة غسله : 

يفضل تسوينه بويك اند او يوم تبدين فيه بدري ،ويستخدم مره وحده بالأسبوع ،
 تغسلينه اول شيء بمويه وتحطين شامبو تبعك ويفضل بس بلسم بدون شامبو
بعدها تتطلعين تحطين زيت ع شعرك لانه استخدامك له اول مره راح ينشف لك شعرك شوي عشان كذا رطبي شعرك بأي زيت تستخدمينه لمدة ساعتين لثلاث تقريبا وخذي لك شور كامل
عن نفسي بعد الشور الكامل اسوي بعد حمام زيت واشطف شعري بالنهايه بمويه بااارده ، بيخلي لمعان ونعومه وليووونه بشعرك ومع الاستشوار ي سلاام بتحبين شعرررك 

وبس ي حبيباتي هذه هي طريقتي لسدر ، وافتحوا النت وابحثوا عن تجارب البنات ، فعلا السدر كنز الاغلب غافل عنه ويبحث بالمنتجات الثانيه ع ان السدر مذكور في القرآن وفوائده واستخداماته كثييييره ، مع الاستمرار ومن ثاني استخدام انتي بنفسك راح تلاحظين الفرق ، وادعي لي :) 

أختكم : @_iExquisite_
اي استفسار او سؤال عندكم الآسك :
http://ask.fm/iiExquisite
او المسج مي :
VW084DPF
والتويتر وقريبا الانستقرام ههههههه ، واعملوا لي مشاركه بالمدونه ، وبس :$ 

هناك تعليقان (2):

  1. يعطيك العافية على الطرح فعلا انا للان استخدمه كشامبو

    ردحذف
  2. طيب ياختي يعني لازم احط زيت زيتون ولا زييت خروعع ينففع احط زييت جوز الهند ؟ .

    ردحذف