بسم الله الرحمن الرحيم
اليوم موضوعي مثل ماهو واضح بالعنوان المشكله هاللي تقهر بعد ماتشيلين يدينك ورجولك الا وتتطلع هالنقط المستفزه
سابقا كنت اعاني منها لكن اللحين والحممدلله اقدر اقول بنسبه ٨٠٪ اختفت ماهي واضحه ابد الا اللي بتاخذ رجلي وتطالع بعيون مبققه خخخخخخ وقبل اكمل موضوعي ترا مااختفت مني بيوم وليله أقلها ٣-٤ شهور تنتظمين وبترتاحين
وهي ٣ خطوات : التقشير + ترطيب ثقيل + ترطيب يومي ، ويلا نبدأ :
هذه اللي استخدمها حاليا واللي ناقص منهم هو لوشن الجسم من " جلايكولكس١٥٪ " بحمض الفواكه خلص من عندي ولسا مارجعت اشتريته وطريقتي تقشير مره بالاسبوع والترطيب يوميا يوميا يوميا
تقشير جسمي استخدم : كريم كاب + ملح الحليب " ، أحط الكريم كامل ع جسمي وانتظر لما ينشف ثم أخذ ملح الحليب واحطه فوقه وأبلل الليفه بمويه دافيه مايله للحراره وابدا اقشر بحركه دائريه من تحت لفوق لما يطلع كل الجلد الميت ، كان عندي مقشر سانت ايفز بالمشمش لكن كمان خلص هذا اكثر شي أحب استخدمه لوجهي ، المهم بعد مااخلص من تقشير جسمي كامل أغسله بالصابون الاسود الافريقي وفوائه كثيره ينظف المسامات ويعطي ملمس ناعم للبشره ويزيل التصبغات اللي بالجلد ويوحد اللون وهو بديل الصابون المغربي وبعدها انشف جسمي ع خفيف وارش موية الورد ع كامل جسمي
وبكذا خلصت وبدا شوي جسمي ينشف ..........
احط ع طول زيت الاطفال عشان يمتصه جسمي ويكون اطووول وقت بشرتي رطبه وهذا لازم لو اخذت شور سريع اسوي هالحركه احط زيت الاطفال حتى حاطته بالحمام عندي عشان ماانسى وبعد مااطلع احط جل الاطفال الزيتي اعشقه عشق رطوبه ونعومه للجلد " طبعا هالاثنين يوميا استخدمهم بعد الشور " وكنت بعد كم ساعه واشوف خلاص امتصه جلدي احب احط لوشن الجلايكولكس لانه فيه حمض الفواكه ويقشر لي طبقه الخفيفه من جلدي ويزيل التصبغات ويوحد اللون ويخفف كثير من المسامات ........
نجي اللحين عند اهم اهم اهم نقطه واللي فعلا فعلا فعلا يساعدك بتخفيف المسامات وتخفيف التشققات وتوحيد اللون وازالة التصبغات وترطيب ونعومه وكللل شي يجنن لبشرتك اللي هو زبدة شيا الخام مخلوط بزيت زيتون او زيت جنين القمح هذا لااازم عندي قبل النوم شيء اساسي لروتيني الليلي احطه ع كاامل جسمي ويمتصه ع طول واللي تقول لي فيه ريحه بقول لها حطيه وانتظري جسمك لما يمتصه عدل عدل وحطي لوشن جسم او عطر جسم تحبينه هذا احيانا انا اسويه
وكمان أسوي مره بالشهر حمام مغربي لان ببخار الحمام يفتح المسامات ويعقمها وينظفها لي ثم ادلك جسمي واقشره واغسله بمويه باارده يقفل لي المسامات
بأختصار نظامي :
تقشير جسمي مره بالاسبوع + الترطيب يوميا خفيف مثل زيت الاطفال او جل الاطفال ولوشن جلايكولكس + والترطيب الثقيل اللي هو قبل النوم زبدة شيا
=====================
زبدة الشيا + الصابون الاسود الافريقي = من تاجره
لوشن جلايكولكس = من عبر الطب وسعره ١٩٥ ريال وعن طريقي يكون عليه خصم وهديتي لمتابعاتي الجديدات رفعت الخصم من ٥٪ الى ١٠٪ وصار سعره = ١٧٦ ريال العرض هذا لمدة اسبوع وينتهي بتاريخ ٢٩ يوليو ميلادي بيوم الثلاثاء الجاي
وكريم كاب أخذته من محل نزيه سعره = ٣٠ ريال
وملح الحليب اخذته من صيدليه اتوقع سعره مايتعدا ٢٠ ريال
وبس ي جميلات ولأي سؤال او استفسار تواصلوا معاي انستقرام او تويتر : _iexquisite_
أو ع ايميلي : iexquisite.blogger@gmail.com
