عنآيتي آليوميه :$

بسم الله الرحمن الرحيم

مرحبآ ي جميلآتي ، كيف حآلكم ؟ ان شاءالله تكونوا بألف خير وعافيه
<< اعتذر ع التأخير اللي صار ومن الاول حابه انزل بس للأسف وقتي مو لي
بس ان شاءالله انتظم معاكم ،،

أول بوست لي راح يكون عن عنايتي اليوميه لجسمي وايش المستحضرات اللي استخدمتها
<< هالمستحضرات استخدمتها من نص شهر ١٢ لما شهر ٣

وراح اتكلم بالامانه ايش صار معاي والنتائج اللي ظهرت معاي ,,
بس قبل انا نوعية بشرتي  : مختلطه وبأوقات الشتاء تقلب وتصير مختلطه وعند الوجنات جافه :(
هذه صوره للــ :

<< سوري نسيت اصور لكم مع المجموعه واقي الشمس بس راح تلقون صورته بأخر البوست :$

أول شي راح اتكلم عن هو الغسول للوجه  اسمه : BRUNOVASSARI - Creamy Cleansing Foam
استخدمه مرتين باليوم << ومرات اسحب واغسل بس الليل خخخخ
هو غسول كريمي وناعم كثيير ع البشره ، اغسل وجهي وبعدين احط عليه كم نقطه ثم ابدأ اعمل حركات دائريه لما يتكون لي مثل الرغوه ، تقريبا 3-5 / د اروق عليها وافرك ع خفيف ،، طبعا مثل ماآنتوا عارفين مانجي عن منطقة العين
لان سماكة الجلد خفيفه ولها عنايه خاصه =)

هو جميل الغسول ومرره ناعم ع البشره ويساعد ع تفتيح بعض المناطق الغامقه ويوحد اللون ، ويطول معاك لان استخدامك له كل يوم بكم نقطه ويكون لك رغوه ع طول ، وعيبه سعره غالي مااذكر بكم بس انه حدود 100 ريال ومتوفر بالصيدليات الكبيره  ، واذا خلص مااتوقع ارجع اشتريه لان حاطه ببالي كم غسول حابه اجربهم ، وانصح فيه للي حابه توحد لون بشرتها وتخفف بعض المناطق الداكنه او اثار حبوب باقيه فيها

وهذه صوره للغسول :

بعد ماآغسل واطبطب عليه بمنشفه نظيفه ، استخدم كريم : Effasun ، هذا اللي اتوقع ارجع عليه واشتريه ، جمميل كثييير ومفعوله بطل ع البشره ، نعوومه ونضاره
ويساعد في القضاء على البقع البنية على الوجه واليدين والرقبة، ويساعد على تنظيم البشرة. ، وفيه نسبة الحمايه من الشمس
<< واللي ابهرني اكثر ان خالتي فيها بقعه في يدها كآنها حرق بس بعد استخدامها له بقوه خفف الاثر ، نتائجه بطله ومضمونه
سعره اتوقع 250 ريال ومتوفر بصيدليات الجلديه والكبيره << معليش تراي فاشله بحفظ الاسعار :$
ولايغركم صغر حجمه ترا كم نقطه بوجهك راح يكفي واستخدمه مرتين باليوم
وهذه صوره للكريم :

بعدها أبدا أحط كريم : Nova lite ع كامل جسمي من راسي لرجولي :D

نوفا لايت  كريم تبيض مثالي جدا يساعد في : 

- التبييض

- ازالة تصبغ والبقع السوداء

- والترطيب العميق و الحماية

الترطيب حكاايه ثانيه ويحتوي ع الحليب والآنتي جين وتحسين طول الوقت ان جسمك مرطب وناعم وفيه نسبة حمايه للجلد حلوه حيل ،، 

وبعد سعره اتووقع حدود الـ 200 ريال ويستاهل كل ريال اندفع فيه , واستخدمه مرتين في اليوم

وهذه صوره للكريم : 

بعد ماانتظر شويات كم دقيقه ، ابدأ احط من كريم : CASTALIA
فائدته يوحد لون البشره ويزيل اثار الحبوب ، وترطيبه عمييق للبشره ، حبيته كثيير ، سعره 189 ريال ومتوفر بالصيدليات الكبيره ، واتوقع اذا خلص بجرب واحد غيره =) ، بس للأمانه كثير فادني ع بشرتي

وختامها : احط واقي شمس برضوا : CASTALIA نسبة الحمايه من الشمس : SPF50+ واستخدمه قبل لاأطلع لشمس بـ 15-30 / د وتحسين فيه مثل اللون الخفيييف ع بشرتك بس حلو مو اللون اللي يحوم كبدك خخخخ
سعره اتوقع حدود 100 وأقلل والله ماني متذكره بالضبط

وهذه صورة الواقي :

وهنا اكون خلصت روتين عنايتي اليومي ، واعتذر منكم ي أنيقات ع التأخير ، وان شاءالله أكون افدتكم ولو بشي بسيط
وكنت خفيفه ومفيده لكم ،
لو حابين استفسار او أي سؤال تقدرون تكتبون لي تعليق هنا أو تراسلوني بالتويتر
يوزري : @_iexquisite_ , واتمنى منكم الدعم وتعملون لي رتويت واشتراك بالمدونه لتعم الفائده آكثر

وان شاءالله اشوفكم في بوست جديد عما قريب ، ربي يحفظكم :)